Hindu Dharma Parichaya

നല്ലതാക്കുക എന്നതാണ് സംസ്കാരത്തിന്റെ അർഥം.കൊള്ളാവുന്നതായി രൂപപ്പെടുത്തിയെടുക്കുക എന്നതാണ് culture എന്ന ഇഗ്ളീഷ് വാക്കിൻെറ അർഥം.Culture .Cult എന്നീ രണ്ടു പദങ്ങളും Colere എന്ന ലാറ്റിൻ പദത്തിൽ നിന്നുണ്ടായതാണ്.Culture നു സംസ്കാരം എന്നും cult ന് മതവിശ്വാസ സംബന്ധമെന്നുമാണ് അർഥം.അഗ്രികൾച്ചർ കൃഷിയും ഹോർട്ടികൾച്ചർ ഉദ്യാനകൃഷിയും , sericulture പട്ടുനൂൽപുഴുകൃഷിയുമാണ്.ഇവിടെയെല്ലാം കൃഷി സംസ്കാരത്തിന്റെ പര്യായമാണ്. വിത്തു പാകി മുളപ്പിച്ചു വളർത്തി ധാന്യം കൊയ്തെടുക്കുന്നത് ധാന്യസംസ്‌കാരമാണ്. മനോഹരമായ വിവിധ സസ്യങ്ങൾ വെച്ചു പിടിപ്പിച്ചു പൂവും കായും ഉണ്ടാക്കുന്നത് ഉദ്യാനസംസ്കരണം. പട്ടുനൂൽപുഴുവിനെ വളർത്തി പട്ടുണ്ടാക്കുന്നത് പട്ടുനൂൽ സംസ്കരണം. മനുഷ്യനെ വളർത്തി യഥാര്ഥ മനുഷ്യനാക്കുന്നത് മാനവസംസ്കരണം. ഇതിന് ആവിഷ്കരിച്ചിട്ടുള്ളവയാണ് ഷോഡശ സംസ്‌കാരം.ഷോഡശം പതിനാറാണ്.മനുഷ്യന്റെ ജീവിതത്തിൽ പതിനാറ് സംസ്കാരങ്ങൾ വേണമെന്നാണ് ഋഷിമാർ നിഷ്കര്ഷിച്ചിട്ടുള്ളത്. ഇവ ക്രമത്തിൽ എഴുതാം. ഗർഭാധാനം സത്സന്താനങ്ങൾക്ക് വേണ്ടി അനുഷ്ഠിക്കുന്നത് . പുംസവനം ഗര്ഭസ്ഥനായ സന്താനത്തിൻ്റെ സുസ്ഥിതിക്ക് വേണ്ടി മൂന്നാം മാസത്തിൽ അനുഷ്ഠിക്കുന്നത്. സീമന

അദ്വൈതം - രണ്ടില്ലാത്തത് ഈശ്വരൻ ഉണ്ട്.ഒരു ഈശ്വരനേ ഉള്ളൂ എന്നതാണ് വൈദികധര്മത്തിലെ ഒന്നാമത്തെ ശിക്ഷണം.അഗ്നി , ഇന്ദ്രൻ ,വരുണൻ ,ശിവൻ ,ശിവൻ മുതലായ അനവധി ദേവന്മാരുണ്ട് എന്ന് പറയുന്നത് ശരിയല്ല.അവയെല്ലാം ഈശ്വരൻെറ പര്യായപദങ്ങളാണ്.വിവരമുള്ളവർ ഒരാളെ തന്നെ പല പേരിട്ട് വിളിക്കും.കൃഷ്ണൻ എന്ന ഒരാളെ കോടതിയിൽ വക്കീലെന്നും നാട്ടിൽ കണ്ണൻ എന്നും വിളിക്കും.ഭാര്യക്ക് വക്കീലുമല്ല ,കൃഷ്ണനുമല്ല ഭർത്താവാണ്.മക്കൾക്ക് അച്ഛനാണ്.അമ്മക്ക് മകനാണ്.ഓരോ ഗുണത്തിനും കര്മത്തിനും സ്വഭാവത്തിനും അനുസരിച്ചു പേര് മാറും എങ്കിലും ആള് ഒരാൾ തന്നെ. അഗ്നി ➨ അഗ്രണി ,മുമ്പൻ എന്നത് കൊണ്ട് ഈശ്വരൻെറ പേരാണ്. മിത്രൻ ➨ എല്ലാവരുടെയും മിത്രം വരുണൻ ➨ എല്ലാവര്ക്കും വരണീയൻ രുദ്രൻ ➨ എല്ലാ ദുഷ്ടന്മാരെയും കരയിപ്പിക്കുന്നവൻ ശങ്കരൻ / ശിവൻ ➨ സർവ്വർക്കും മംഗളം നൽകുന്നവൻ ബ്രഹ്മം ➨ ഏറ്റവും ബൃഹത്തായത് സരസ്വതി ➨ വിദ്യാപ്രവാഹം ദുർഗ ➨ ദുഷ്ടന്മാർക്ക് ദുർഗമമാണ് ഈശ്വരൻ ഈശ്വരൻ ➨ ഐശ്വര്യദായകനായത് കൊണ്ട് ഈശ്വരൻ എന്ന് വിളിക്കുന്നു. ഈശ്വരൻെറ പ്രധാനനാമമാണ് ഓം (മൂന്ന് മാത്ര നീട്ടി ചൊല്ലണം ) ഓരോന്നിനും രൂപമുണ്ടാക്കി ആരാധിക്കാറുണ്ട് മനുഷ്യർ.എന്നാലും അവ അംശമേ ആകുന്നുള

മനുഷ്യൻ്റെ സാധാരണ ആയുസ്സ് 100 വര്ഷമെന്നാണ് ശാസ്ത്രഗ്രന്ഥങ്ങളിൽ "ജീവേമഃ ശാരദഃ ശതമ്" എന്നാണ് ആ പ്രാർത്ഥന. 120 വർഷം വരെയും ജീവിക്കാം. പക്ഷെ അത് അപൂർവമാണ്.ചിട്ടയായി ജീവിക്കുന്നവർക്ക് 100 വർഷം വരെ ജീവിക്കാൻ വിഷമമില്ല. ജനനവും മരണവും തുടർച്ചയാണ്.ഇതിനിടയിലുള്ള കുറച്ചു കാലം സുഖമായി സന്തോഷമായി ലളിതമായി ജീവിച്ചു മരിക്കുക.നാം എല്ലാവരും മരിക്കും. മർത്യൻ എന്ന പേരിൻ്റെ അർഥമാണ്. അന്യരെ ദ്രോഹിച്ചും സ്വയം ദുഃഖിച്ചും ജീവിക്കരുത്.മനുഷ്യൻ സമൂഹജീവിയാണ്. സമൂഹമായി മാത്രമേ അവന് ജീവിക്കാൻ കഴിയൂ. അത് കൊണ്ട് നാം സ്വയം ജീവിതം ക്രമപ്പെടുത്തണം. ഉണരുന്നതിനും ഉറങ്ങുന്നതിനും എല്ലാം സമയനിഷ്ഠ പാലിക്കണം. സമൂഹത്തിലെ ആചാരങ്ങൾ പാലിക്കണം. സ്നേഹിതരേയും മുതിർന്നവരേയും കണ്ടാൽ നമസ്തേ എന്ന് അഭിവാദനം ചെയ്യണം. കൈകൂപ്പി നമസ്തേ എന്നാൽ "ഞാൻ താങ്കളെ വിനയത്തോടു കൂടി വന്ദിക്കുന്നു" എന്നാണ് അർഥം. ഏത് സമയത്തും എല്ലാവരോടും പറയാവുന്നതാണ്. സത്യം,ക്ഷമ, ശക്തി, ധൈര്യം എന്നീ ഗുണങ്ങൾ ഹിതോപദേശ കഥകളിൽ നിന്ന് പഠിക്കണം. ജീവിതകാലം മുഴുവൻ പാലിക്കേണ്ട കാര്യങ്ങൾക്ക് ആശ്രമം എന്ന് പറയും. സന്യാസിമാർ താമസിക്കുന്ന സ്ഥലത്തിന് മാത്രമാണ് ആശ്രമ

  മനുഷ്യസമൂഹത്തെ ആചാര്യന്മാർ നാലായി വിഭജിച്ചിട്ടുണ്ട്. അതിന് പേര് വർണം. ഇത് ശരിയോ തെറ്റോ എന്നത് ഒരു വിഷയമാണ്. നമ്മുടെ ജാതിവ്യവസ്ഥയുടെയും അനാചാരങ്ങളുടെയും ഭാരതത്തിന്റെ എല്ലാ അധഃപതനത്തിന്റെയും root cause ജാതിവ്യവസ്ഥയിലേക്ക് വഴുതിപ്പോകുന്ന വർണ്ണാശ്രമധർമമാണ്. എന്തായാലും വംശീയതയ്ക്ക് വലിയ പ്രാധാന്യം നൽകുന്ന ഹിന്ദുസമാജത്തിൽ ഇത് ഒഴിച്ച് നിർത്താൻ പറ്റാത്ത വിഷയമാണ്. തിയറി എപ്പോഴും സുന്ദരവും ജീവിതയാഥാർഥ്യങ്ങൾ ഭീകരവുമായിരിക്കും. വര്ണോ വൃണോതേ - (നിരുക്തം 2.3) വരണീയമായ ,വരിക്കാൻ അർഹമായ ഗുണകർമങ്ങളെ കണ്ടറിഞ്ഞു യഥായോഗ്യം വരിക്കുന്നതാണ് വര്ണം. ഗുണം, കർമം, സ്വഭാവം എന്നിവയനുസരിച്ചു വരിക്കുന്നതിന്റെ അഥവാ തിരഞ്ഞെടുക്കുന്നതിന്റെ പേരാണ് വർണം.ഒരുവൻ വരിക്കുന്നതാണ് അവന്റെ വർണം.വരിക്കുന്നതിനാൽ വർണം എന്ന് പേര് വന്നു. ബ്രാഹ്മണൻ ,ക്ഷത്രിയൻ ,വൈശ്യൻ ,ശൂദ്രൻ എന്നിവയാണ് നാല് വർണങ്ങൾ.ഇവയെ ചാതുർവർണ്യം എന്ന് വിളിക്കാം.ചാതുർവർണ്യം ജാതിവ്യവസ്ഥ അല്ല.അധര്മികളായ സ്വാർത്ഥജനം എക്കാലത്തും വര്ണവ്യവസ്ഥയെ ജാതിവ്യവസ്ഥയായി മാറ്റാം. ഇത് സത്യസിദ്ധാന്തമാണ്. നടപ്പിൽ വരുത്തേണ്ടത് അല്ല. മനുഷ്യരിൽ നാല് തരക്കാർ ഉണ്ടാകും എന്നാണ് ആചാര്യന്മാരുടെ

നല്ല പ്രവൃത്തികൾ ചെയ്യുന്നതാണ് ധർമം.ഇത് കൊണ്ട് മനുഷ്യന് ഉന്നതി ഉണ്ടാകുന്നു. മനുഷ്യസമൂഹത്തെ നിലനിർത്തുന്നതും സംരക്ഷിക്കുന്നതും ധർമമാണ്. ധർമം ആചരിക്കുന്നത് കൊണ്ട് മാത്രമേ സത്യമായ സുഖം ലഭിക്കുകയുള്ളൂ. ഋഷിമുനിമാർ ധർമത്തെ പറ്റി പ്രസ്താവിച്ചിട്ടുണ്ട്‌. മഹാഭാരതത്തിൽ വേദവ്യാസൻ പറയുന്നത് ധാരണാദ് ധര്മ ഇത്യാഹുഃ ധർമോ ധാരയതേ പ്രജാഃ യാത്സ്യാദ് ധാരണ സംയുക്തമ് സ ധര്മ ഇതി നിശ്ചയമ് .. ധരിക്കുന്നതാണ് ധർമം. ഒരു പദാർത്ഥം ധരിക്കുന്നത് അതിന്റെ ധർമമാണ്. ആളുകളെ തമ്മിൽ സ്നേഹത്താൽ കൂട്ടിയോജിപ്പിക്കാൻ കഴിയുന്നത് ധർമമാണ്. ഏതൊന്നിനാൽ എല്ലാവരുടെയും സമുന്നതി സാധ്യമാകുമോ അത് ധർമമാണ്. ധർമമോ മതമോ? ധർമവും മതവും രണ്ടാണ്. മതം = അഭിപ്രായം. മതം വ്യക്തിയെ സംബന്ധിച്ചതാണ്. രണ്ടു നേരം കുളിക്കണം. ഭസ്മം തൊടണം. അഞ്ചു നേരം നിസ്കരിക്കണം. ക്ഷേത്രത്തിൽ പോകണം. വഴിപാട് കഴിക്കണം. തസ്‌ബിഹ്‌ (മുസ്ലീങ്ങളുടെ ജപമാല) ഓതണം. കുർബാന കൊള്ളണം. ജാതകം നോക്കണം. ശുഭമുഹൂർത്തം. ഇവയെല്ലാം വ്യക്തിപരമായ സ്വാർത്ഥതയിൽ ഊന്നിയ മതങ്ങളാണ് അല്ലെങ്കിൽ മതതത്വങ്ങളാണ്. സത്യം പറയുക, പൊതുസ്വത്ത് മോഷ്ടിക്കാതിരിക്കുക, ഔദ്യോഗിക സ്ഥാനങ്ങൾ സ്വന്തം വളർച്ചക്കുവേണ്ടി ദുരുപയോഗപ

ഗായത്രീമന്ത്രം ഉപനയനസംസ്കാരത്തിൽ യജ്ഞോപവീതം (പൂണൂൽ) നൽകിയതിന് ശേഷം ആചാര്യൻ ഗായത്രി ഉപദേശിക്കുന്നു .ഞങ്ങളുടെ ബുദ്ധിയെ അങ്ങ് പ്രചോദിപ്പിക്കണേ എന്നതാണ് മന്ത്രത്തിന്റെ ആശയം .ഈ മന്ത്രം അനേകം തവണ ജപിക്കാൻ ആചാര്യൻ ഉപദേശിക്കുന്നു.ഈ മന്ത്രം എത്ര തവണ വേണമെങ്കിലും ഏതു സമയത്തും ജപിക്കാം.ഇതിന് ലിഖിതനിയമമോ നിയന്ത്രണമോ ഇല്ല.ഗുരുമന്ത്രം എന്നും സാവിത്രീ എന്നും മന്ത്രത്തെ വിളിക്കുന്നു.ഓം എന്ന നിരാകാര ബ്രഹ്മത്തിനെ ഉപാസിക്കാനാണ് വിധി.ഓം ഭൂര് ഭുവഃ സ്വഃ എന്ന വ്യാഹൃതികൾ മന്ത്രത്തിന് മുന്നിൽ ചേർത്തിരിക്കുകയാണ്. സപ്താവ്യാഹൃതികൾ വ്യാഹൃതികൾ ബോധതലത്തിന്റെ ഏഴു ലോകങ്ങളെ സൂചിപ്പിക്കുന്ന ശബ്ദങ്ങളാണ്. ഭൂലോകം → ഭൂമിയുടെ തലം ഭുവര്ലോകം → ആകാശത്ത് / atmosphere സ്വർലോകം → സ്വർഗം (സന്തോഷകരമായ അനുഭവം) / മനസ്സിന്റെ തലം മഹര്ലോകം → ഉയർന്ന ബോധതലം / മഹാഋഷിമാരുടെ ലോകം ജനലോകം → ജന്മത്തിലെ അനുഭവം / ബ്രഹ്‌മാവിന്റെ പുത്രന്മാരുടെ ലോകം തപഃലോകം → തപസ്സു കൊണ്ട് ഉയർന്ന ലോകം സത്യലോകം → സത്യത്തിന്റെ ലോകം. ഏറ്റവും ഉയർന്നത് അധോലോകങ്ങൾ / Underworld അതലം → മയപുത്രനായ ബാലയുടെ ലോകം വിതലം → സ്വർണം ഉൾപ്പെടെ ഉള്ള ധനങ്ങൾ നിറഞ്ഞ ഒരു ലോകം സുതലം →മഹാബലിയ